Քաղաքի ղեկավարն անձամբ էր պատասխանում քաղաքացիների հեռախոսազանգերին

Ուրեմն, Էմիլ Կիրակոսյանին (քաղսովետի գործկոմի նախագահն էր 1970-80-ականներին) մի օր զանգահարում է վրդովված մի կին և դժգոհում, որ ջուր չկա (այն ժամանակ քաղաքի ղեկավարներն անձամբ պատասխանում էին քաղաքացիների հեռախոսազանգերին, և դա ինչ-որ ամոթալի, անպատշաճ բան չէր համարվում): Կինը բողոքում է, թե երեխաների համար առավոտյան, դպրոց ուղարկելուց առաջ, անգամ երկու ձու խաշել չի կարողանում: Ընկեր Կիրակոսյանը, նույն ինքը՝ հայտնի Էմիլ Միխայլովիչը, պատասխանում է. «Կներե՛ս, ընկերուհի ջան, ջուրը էգուց կուդանք, իսկ էսօր էրեխեքին ձվածեղ սարքե, բան էլ չի էղնի, դիմացի»:)))

Աղբյուր՝ nationalidea.am

Արդյոք ճի՞շտ ենք օգտվում ճանապարհային նշաններից

Սա Գյումրու-Սայաթ Նովա փողոցի սկզբնամասն է:Ուշադրություն դարձնելով հենասյան վրա փակցված ճանապարհային  նշանին՝ պարզ երևում է՝ արագության սահմանափակում մինչև 40կմ/ժ,հետիոտնի անցում:Կարելի է ենթադրել,որ այս հատվածից հետիոտնի կողմից  փողոցի անցումը թույլատրելի է:Սակայն հետիոտնի անցման համար նախատեսված սպիտակ գծերը գտնվում են այս ճանապարհային նշանից շուրջ 50 մետր հեռավորության վրա,իսկ մարդիկ շարունակում են օգտվել հենց այս հատվածից,քանի որ ճանապարհային նշանը ցույց է տալիս հետիոտնի անցում,չնայած որ զեբր չկա: