Շիրակի Բազե: Տուրիզմ

Показаны сообщения с ярлыком Տուրիզմ. Показать все сообщения

вторник, 25 июня 2019 г.

Ինչ հետաքրքիր բաներ կարելի է անել, եթե Շիրակ եք եկել երեխաների հետ։ Մաս 1-ին

Ինչ հետաքրքիր բաներ կարելի է անել, եթե Շիրակ եք եկել երեխաների հետ։ Մաս 1-ին

1․ Գյումրու Գորկու զբոսայգում ատրակցիանները ձեզ են սպասում։ Դրանք հասանելի եւ մատչելի են բոլորի համար։ Մեկ տոմսի արժեքը՝ 200 դրամ։ Այստեղ ատրակցիոններից օգտվելուց հնարավորություն ունեք բարձրից քաղաքի գեղեցկությունը վայելել։

2․ Հայկական ավանդական հոլով (Իմ Ֆռռիկը - My spinning top) ու ինտելեկտուալ զարգացնող Տեյմորտակ - Teimortak խաղով կարող եք մրցել ձեր վարպետությամբ քաղաքի ցանկացած անկյունում, իսկ քաղաքի բնակիչները անպայման կընկերակցեն ու կմրցեն Ձեր ու Ձեր երեխաների հետ։ Կոնտակտային հեռախոսահամար՝ 094033335 (Գագիկ Մխիթարյան)։

3․ Այցելեք Շալե Գյումրի (Chalet Gyumri, Шале Гюмри, Շալե Գյումրի) եւ Արփի լիճ ազգային պարկում գտնվող Դարիկ բնակավայր (Irina Tatevosyan)՝ Վանա կատուների, հայկական գամփռների հետ ծանոթանալու եւ խաղալու։

4․ Դարբնոցում երեխաները հնարավորություն կունենան մուրճով և այլ գործիքներով աշխատել դարբնի հետ, ստեղծել երկաթյա իրեր։ DARBNOTS

5․ Ֆայտոն քշեք Գյումրեցի հայտնի ֆայտոնչի Գրիշի թոռ՝ վարպետ Սամվելի հետ, կամ գնացեք Չերքեզի ձոր ամենախելոք ձիերին հեծնելու։

6․ Կապսի ձոր հանգստյան գոտում զիփլայնով թռնելու։
(«Կապսի Ձոր ռեզորթ» / "Kapsi dzor resort")

7․ Գյումրու Մայր Հայաստան հուշակոթողի տարածքում հրաշալի հնարավորություն կա նավակ նստելու և թիավարելու։

8․ Գյումրու Գյումրու Ստ.Ալիխանյանի անվան Տիկնիկային թատրոն-ում հեքիաթային մանկական ներկայացումներ դիտելու հնարավորություն ունեք։

9․ Պեմզաշենում բնակավայրում՝ Վոլոդյա Սարիբեկյանի արվեստանոցում, կարելի է տեսնել աշխարհի ամենամեծ կենդանաբանական այգին, որի կենդանիները պատրաստված են քարից։ Քանդակագործության հրաշալի մթնոլորտ է սպասվում ձեզ այստեղ։

10․ Գյումրու Ավիամոդելային խմբակ:-ում ձեզ են սպասում դեռահասներ ու պատանիներ, ովքեր պատրաստում են թռչող անօդաչու սարքեր ու դրանք գործնականում օդ բարձրացնում։ Չեք փոշմանի ծանոթանալով։

Հարգանքով՝
Շիրակի տուրիզմի զարգացման եւ հետազոտական կենտրոն
+37455159565, +37494419668
shiraktourism@gmail.com

суббота, 21 июля 2018 г.

Մի քանի պատճառ Գյումրի գալու համար. Մաս 2-րդ

1. Սեւ ամրոցում քաղաքի ամենախորը ջրհորը տեսնելու, վրան կանգնելու ու այդ բարձրությունը զգալու համար:
2. Պայտաձեւ ամրոցը տեսնելու համար՝ տեսքը վերեւի ձիու նալ է հիշեցնում:
3. Քաղաքի ստորգետնյա թունելներում լինելու համար:
4. Կարմիր ամրոցը տեսնելու:
5. Ձկի ձորում համով ձուկ ուտելու:
6. Մինաս Ավետիսյանի որմնանկարը տեսնելու:
7. Ավտոյի զապչաստի գործ էնող Ալիսին տեսնելու:
8. Ռազմագերիների գերեզմաններն ու կառուցած ճանապարհները տեսնելու:
9. Քաղաքի պասպորտը՝ Արգիշտի թագավորի արձանագրությունը տեսնելու համար:
10. Բաղնիքների մասին պատմությունները լսելու համար:
11. Կարկատած պատ թել ու ասեղով տեսնելու համար:
12. Ասմունքող Պ. Սեւակի փողոցը տեսնելու համար:
13. Հայաստանի ամենալավ գարեջուրը՝ Գյումրին վայելելու:
14. Ռոբս հոմ էրտալու, էժան գիշերելու ու հավես ջահելների հետ ծանոթանալու:
15. Ներկապնակի տեսքով տանիք ունեցող առաջվա նկարիչների սրճարան՝ Նանսի էրտալու համար:
16. Վարսավիր ցլին տեսնելու:
17. Քառսունքի տորթը տեսնելու

Շարունակելի...

Հարգանքով՝
Շիրակի Բազե

Իմ Ֆռռիկը - My spinning top
#Suvenirs #Gyumri #Gamesforkids #Myspinningtop
(093 03 33 35)
(055 15 95 65)
(Viber +374 94 03 33 35)
(Whatsapp +374 94 41 96 68)
Գինը 2000, 2500, 3000, 3500 դրամ, Անի թաղ, Պ. Սեւակ 1, Անի ֆոտոսերվիս, Գյումրի

суббота, 26 мая 2018 г.

Ինչպե՞ս է պատրաստվում հայկական ավանդական խաղ հոլը

Ներկայացված տեսանյութում կարող եք տեսնել թե հայոց աշխարհի վարպետներն ու արվեստագետներն ինչպես են նկարազարդում մեր հայկական ավանադական հոլերը

Հարգանքով՝

Շիրակի Բազե

Կդորմ Գյումրի - A Piece of Gyumri
Suvenirs #Gyumri #Specialphotoframe
(093 03 33 35)
(055 15 95 65)
(Viber +374 94 03 33 35)
(Whatsapp +374 94 41 96 68)
Price 4500, 7000, 7500 AMD
Ani district, P. Sevak 1, Ani photoservice, Gyumri

Իմ Ֆռռիկը - My spinning top
#Suvenirs #Gyumri #Gamesforkids #Myspinningtop
(093 03 33 35)
(055 15 95 65)
(Viber +374 94 03 33 35)
(Whatsapp +374 94 41 96 68)
Price 2000, 2500, 3000, 3500 AMD
Ani district, P. Sevak 1, Ani photoservice, Gyumri

Տեյմորտակ - Teimortak
#Suvenirs #Gyumri #Gamesforkids
(093 03 33 35)
(055 15 95 65)
(Viber +374 94 03 33 35)
(Whatsapp +374 94 41 96 68)
Price 1000, 1500, 2000, 2500, 3000 AMD
Ani district, P. Sevak 1, Ani photoservice, Gyumri

Donate for Armenian artists in Folklife Festival.If anyone donates on this link, please indicate Gyumri.

Click here.

пятница, 25 мая 2018 г.

Մի քանի պատճառ Աշոցք գալու համար

Այստեղ տարվա բոլոր ամիսներին հնարավոր է.

1. Այցելել 4 անգամ օլիմպիական խաղերի մասնակցած Միքայելյանների ընտանիքին, ծանոթանալ, կիսվել գիտելիքներով ու փորձով, ծանոթանալ հաջողության պատմությունների: Ամբողջ տարին սիրով կհյուրընկալեն ձեզ:

2. Տեսնել պասիվ արեւային ջերմոցներ Թորոսգյուղում: Ամբողջ տարին սիրով կհյուրընկալեն ձեզ, կարող եք ներգրավված լինել նաեւ առօրյա խնամք պահանջող աշխատանքներում:

3. Գնալ Բավրայի հնդկաձավարի գործարան: Ամբողջ տարին սիրով կհյուրընկալեն ձեզ, կարող եք նաեւ ներգրավված լինել որոշակի աշխատանքներում:

4. Հանքային աղբյուրներից օգտվել ու զգալ բուժական տուրիզմի հաճույքը: Հասանելի է ամբողջ տարվա ընթացքում:

5. Ցարի թվի 200 տարեկան եռաթռիչք կամուրջ տեսնելու համար Կրասար գյուղում: Կամուրջին կից նաեւ եղել է իջեւանատուն:

6. Վայելել տարածաշրջանին բնորոշ էկոլոգիապես մաքուր սնունդ:

7. Հրաշալի վայր է՝ գյուղական ավանդական կենցաղավարությանը ծանոթանալու, մշակութային առանձնահատկություններն ուսումնասիրելու եւ մտերիմներ ձեռք բերելու համար:

8. Այստեղ սպորտային կյանքը զարմացնում է իր բազմազանությամբ: Նույնիսկ մի քանի բնակավայրերում կարելի է հանդիպել աղջիկների պատանեկան ֆուտբոլային թիմերի եւ մրցել նրանց հետ:

Վայելքներն Աշոցքում յուրաքանչյուր ամիս հաջորդում են մեկը մյուսին: Այսպիսով.

1. Արկածնե՞ր ես փնտրում: Կանոե նավակներով շրջելու համար տարածաշրջանի ռելիեֆն ու ջրային ռեսուրսներն իդեալական են սկսնակների համար: Գետային տուրեր քո կյանքում կարող ես անցկացնել Աշոցքում մայիս 20-ից սեպտեմբեր 30-ը եւ այն անվտանգ է: Արհեստավարժ մարզիկները կուղեկցեն ձեզ: Տրամադրվում են նաեւ հատուկ փրկարարական բաճկոններ:

2. Աշոցքի անվտանգ՝ առանց քարաթափման եւ ձնահյուսի, լեռները սպասում են ձեզ: Ըստ այցելուների ֆիզիկական պարտրաստության՝ հնարավոր է արշավը կազմակերպել տարվա բոլոր եղանակներին:

3. Ջավախքի լեռնաշղթային ամենաբարձր գագաթ՝ Աչքասար (3196 մետր), գտնվում է այստեղ եւ շատ արշավականներ պետք է իրենց հաջողությունների օրացույցում կարմիր՝ տոնական, գույնով նշեն Աչքասար բարձրանալու օրը: Ըստ այցելուների ֆիզիկական պարտրաստության՝ հնարավոր է արշավը կազմակերպել տարվա բոլոր եղանակներին:

4. Հեծանվային տուրեր նախընտրող մարդիկ իրենց հիացմունքն ու տպավորությունները դժվար կարողանան առանց էմոցիաների թաքցնել: Տեղում մինչեւ 10 հոգանոց խմբերի համար կարող են տրամադրել հեծանիվներ: Հեծանվային տուրերի նախընտրելի ամիսներն են՝ մայիսից սեպտեմբեր ընկած ժամանակահատվածը:

5. Ցողամարգի Թեյամարգ թիմի երիտասարդների հետ ծանոթությունը ձեզ թույլ կտա դեղաբույսերով թեյ վայելել, գիտելիքներ ու փորձ ձեռք բերել, ծանոթանալ սկսնակ բիզնեսի հաջողություններին: Դեղաբույսերի հավաքման պրոցեսը՝ հուլիսի 1-ից օգոստոսի 30-ն է: Այլ կազմակերպչական գործերում այցելուն կարող է ներգրավված լինել ամբողջ տարվա ընթացքում:

6. Արփի լիճ ազգային պարկի գրավչությունը բացահայտելու հնարավորություն ունեն բոլորը: Հատկապես շոգ օրերին այստեղ կլիման մեղմ է ու հաճելի հանգիստ կազմակերպելու իդեալական վայր: Բնության հրաշքները վայելելու համար Արփի կարող եք գալ ողջ տարվա ընթացքում, սակայն հունիս ամսից սեպտեմբեր ընկած ժամանակահատվածը վրանային հանգստի կազմակերպման ամիսներն են: Տեղում կարող եք վարձակալել վրաններ ու քնապարկեր:

7. Ախուրյանի կիրճի քայլարշավային գրավչությունը բացահայտելու, արկածային տուրիզմի եւ ճոպաններով կիրճի տարբեր հատվածներ հաղթահարելու համար ձեզ սպասում են փորձառու մարզիկներ, ովքեր կօգնեն ձեր օրը դարձնել հիշարժան ու տպավորիչ: Սա կարող եք վայելել հունիս 15ից սեպտեմբեր 15-ը:

8. Շիրակի պատմամշակութային ժառանգությունն ուսումնասիրելու համար նպատակահարմար ժամանակահատված է ապրիլի 20-ից նոյեմբերի 15-ը: Տարածաշրջանում կատարվում են նաեւ հնագիտական պեղումներ: Արշավական խմբի ղեկավարի որոշմամբ նաեւ այցելուները կարող են ներգրավված լինել որոշ աշխատանքներում:

9. Ձմռանը դահուկային սպորտով զբաղվելու համար նախընտրելի է այցելել Աշոցք դեկտեմբեր 10-ից մարտի 30-ը: Ցանկություն ունեցողները մինչեւ մայիս ամիս հնարավորություն ունեն ծովի մակարդակից 2500-ից 3000 մետր բարձրության վրա զբաղվել դահուկային քայլքով: Տեղում տրամադրվում են մինչեւ 70 հոգանոց խմբերի դեպքում տարբեր տարիքային խմբերի համար նախատեսված դահուկներ:

Տեղում կարող են ձեզ միանալ հայերեն, անգլերեն, ռուսերեն լեզվով հաղորդակցվող գիդ-ուղեկցորդներ: Գերմաներեն հաղորդակցվող հյուրերի համար նախատեսված է անակնկալ՝ նրանց հետ կաշխատի 84-ամյա Նելլի տատիկը:

Հարգանքով՝

Շիրակի Բազե

Փամփուշտից զարդ ստեղծող Արտակը Գյումրիից

Գյումրեցի տաղանդավոր արվեստագետ Արտակ Թադեւոսյանն իր յուրօրինակ քայլն է անում աշխարհում խաղաղության կոչ փոխանցելով՝ զարդեր պատրաստելով փամփուշտի պարկուճներից:

Գյումրի գալուց անպայման այցելեք Արտակենց ընտանիք, ծանոթացեք, ճանաչեք, վայելեք Արտակի պատրաստած ստեղծագորոծթյունններին, մտերմացեք, բարեկամացեք ու նաեւ ձեռք բերեք այս հրաշք ստեղծագործությունները:

Արտակ Թադեւոսյանի ֆեսբուքյան էջն է՝ ընկերացեք հետը՝ Facebook Artak Tadevosyan HayAr - jewellery

Տեսանյութն անպայման դիտեք: :)

Հարգանքով՝
Շիրակի Բազե

среда, 23 мая 2018 г.

Գյումրու մասին գեղեցիկ անիմացիոն մուլտֆիլմ

Տաղանդավոր արվեստագետ Ռոզա Թարզյանի գեղեցիկ նվերը Գյումրիին՝ անիմացիոն մուլտֆիլմ: Վայելեք:

Տեսանյութը՝

Հարգանքով՝
Շիրակի Բազե

Ani district, P. Sevak 1, Ani photoservice, Gyumri

Suvenirs #Gyumri #Specialphotoframe
(093 03 33 35)
(055 15 95 65)
(Viber +374 94 03 33 35)
(Whatsapp +374 94 41 96 68)
Price 4500, 7000, 7500 AMD
Ani district, P. Sevak 1, Ani photoservice, Gyumri

вторник, 22 мая 2018 г.

Մարդիկ՝ ում տեսնելու համար պարտադիր է գալ Գյումրի, մաս 1-ին:

Լուսանկարում Վարպետ Հովիկն է

Որ ասում ենք Գյումրին չքնաղ քաղաք է՝ ի նկատի ունենք նաեւ քաղաքը չքնաղ դարձնող մարդկանց:

1. Սաղ գիտեն, թե Բեռլինը պատկանեգը գերմանացիներին: Բեռլինի տերը Ալեքսան Տեր - Մինասյանն է: Տուրիզմի մասով մեծ աշխատանք կտանին, հանդիպելուց վնաս չկա: Օրմ ազգանունը կիսատ ըսեցին... Մինասյան... Դառավ ըսավ՝ Տեր... Ըշտը ըդպես երկրորդ անգամ ներկայացրեցին Տեր - Մինասյան... Դառավ ըսավ կարեւորը՝ Տեր, ոչ թե անտեր...

2. Կայսր: Հնավաճառ Վազգենին: Դիմագծերով Նապոլեոն կայսրին է նման՝ ըդոր համար մականունը կայսր է: 16-րդ դարի բան ուզես՝ կերտա քանիմ ժամ հետո բանմ կբերե ու կապացուցե, օր 16-րդ դարի է:

3. Վարպետ Գուգո: Երկար ժամանակ էս վարպետս առանց վարորդական իրավունքի քաղաք ավտո քշելուց կեղնի, կհարցնեն ի՞նչղ կեղնի, օր ըդպես հանգիստ կքշես: Կպարզվի փետից դուբինկեք սարքած կեղնի, անցնի դառնա կանգնցնեն դուբինկա գուզեն՝ բաց կթողնին:

4. Վարպետ Քերոբ: Առավոտ բարի լույսին Երեւան էրտացող առաջին էժան տաքսին: Շոկոլադով տանի բերեգը: Համարյա սամալյոտի պես է: Շարժվելուց 10 րոպե հետո շոկոլադ կհյուրասիրե պասաժիրներին:

5. Կարեն Մկրտչյան: Լուսանկարիչ արջը: Էն կարեւոր մարդկանցից է, օր բդի էրտաս ծանոթանաս ու մենակ ուտես-խմես հետը: Գործ բռնել չարժե: Հավեսն օր տեղը չեղավ՝ գուզես տեղով բոշկով մեղր դառի՝ գործդ չի էնե:

6. Անտոշ: Անդրանիկ Բարիկյան: Լեննականցու խասյաթի մարմնավորում: Հայաստանի ֆոտբոլի պատմության մեջ ամենաշատ դեղին ու կարմիր քարտ ստացած ֆուտբոլիստը:

7. Վարպետ Հովիկ: Մարզի ամենալավ ռադիատոր սարքողը: Աչքով աչք չունի գեշ մարդկանց հետ գլուխ դնել: Լավ մարդ էլ օր կտեսնի՝ ձեռից պրծում չկա: Քեզի օր շնորքով արհեստավոր մարդ պետք էղնի՝ գնա ըսա էս տեսակ մարդ ման գուկամ՝ սաղին հատ-հատ կճանչե:

8. Քաղաքի ամենամեծ թռչնասերը Սեյրան Մարտիրոսյանն է: Բուերի ամենամեծ հավաքածուն իրա մոտ է: Գնա ըսա քաղաքացիական հասարակության ներկայացուցիչ ես՝ ցույց կուդա հավաքածուն:

9. Քաղաքի ամենաշատ արդուկների, սխտոր ծեծիչների ու ռադիոների հավաքածուն Լեւոն Բարսեղյանի մոտ է: Ասպարեզ ակումբ օր էրտաս խնդրես, ցույց կուդան: Սա ընձի խոսքի ազատության սենյակն է պետք:

10. Ջագը: Ծո, դու գիտե՞ս, օր հայկական ռոքի պապան Ջագն է: Բամբիռի Ջագը: Քաղաքն օր Բամբիռնոց բացեց, դու նոր կիմանաս քու հալըդ:

11. Հայկ էքստրիմ Խառատյան: Լավ... Մե րոպեմ... Հայկին կարող է Գյումրի չտեսնիք: Ավելի հեշտ բացատրեմ: Փնտրեք իրան Հայաստանի ամենախարխուլ, վնասված ու ամենաբարձր աշտարակների, վտանգավոր թունավոր ու պայթուցիկ նյութերի մեջ:

12. Տիգրան Համասյան: Քաղաքի ամենահայտնի դաշնակահարը: Իրան գտնելը էնքան զոռ է... Բդի սամալյոտների մեջ հանդպիս:

13. Հասմիկ Կիրակոսյան: Մարզպետարանի մշակույթի բաժնի պետը: Պատմական ստույգ աղբյուր չկա, թե ինքը որ թվից էս կողմ է էդ բաժնի պետը: Երկու րոպե հետը խոսաս՝ թոքերդ կարդա, դիագնոզդ տա: Հավես գյումրեցու կերպար է:

14. Տաքսու վարորդ Տիկուշը: Կսե հոպար չեմ, բայց զատո հոպարի գործ կենեմ: Կսե անգլիական Հավայի դուխի կսիրեմ: Ստից դուխի չէ, անունն է ըդպես:

15. Լյովա պապը: Կսե տո մարդ ես, մարդ: Մարդ էլ կսեմ քեզի՝ կարող է նեղենաս: Ինչքան նորմալ պատմվող խուժանական անեկդոտ կա՝ իրանից կռնաս լսես:

16. Ալեքսեյ Մանուկյան: Արվեստագետն աշխարհի տարբեր քաղաքներում շրջելուց դիտահորերի կափարիչներն արտատպում ու ամեն քաղաքից10 մետր հիշողության մեծ հավաքածու ունի: Արժե գալ ու տեսնել, ծանոթանալ, հասկանալ արվեստագետի մոտեցումները:

17. Արտակ Թադեւոսյան: Էս տղեն փամփուշտների պարկուճներից զարդեր կպատրաստե: Իսկ դուք խաղաղություն քարոզելու ի՞նչ տարբերակներ գիտեք: Համեցեք ծանոթանալու Արտակի հետ:

18. Անդրանիկ Ավետիսյան: Ծո, ինքն առաջին նկարիչն է աշխարհում, որի անմիջական «գործընկերները» սարդերն են, ու նա նկարներ է ստեղծում բնական սարդոստայններից:

19. Գյումրին մեր տունն է երիտասարդական նախաձեռնության երիտասարդներին բդի գաք տեսնիք ու տեսնիք ինչ սիրուն ձեւով օգտագործված մետաղական ու պլաստիկ խցաններով խճանկարներ կպատրաստեն: 4-ը դրանցից հայկական գորգերի տեսք ունեն ու փակցված են Գյումրու պատերին:

20. Միշա Պողոսյան: ՀՀ-ում իշխանությունը պատկանում է ժողովրդին: Ըդիկ հլը քիչ է՝ Համովն էլ պատկանում է Միշա Պողոսյանին: Ըմբես օր եթե համով գուզես սնվիս, ուտես, խմես, վայելես, հետն էլ քու իմացածդ սաղ համով վայելքները համեմատության մեջ դնես՝ Գյումրիում գնա Համով սրճարան: Ու ըսեք իրան, օր էդ պռիչոսկեն փոխե:

Շարունակելի...

Իրականում մե քանիմ բան խնդրել էին ըստեղ-ընդեղ չսել, դուք էլ ըստեղ ընդեղ չսեք:

Հարգանքով՝
Շիրակի Բազե

#Suvenirs #Gyumri #Gamesforkids

(093 03 33 35)
(055 15 95 65)
(Viber +374 94 03 33 35)
(Whatsapp +374 94 41 96 68)
Price 1000, 1500, 2000, 2500, 3000 AMD
Ani district, P. Sevak 1, Ani photoservice, Gyumri

#Suvenirs #Gyumri #Specialphotoframe
(093 03 33 35)
(055 15 95 65)
(Viber +374 94 03 33 35)
(Whatsapp +374 94 41 96 68)
Price 4500, 7000, 7500 AMD
Ani district, P. Sevak 1, Ani photoservice, Gyumri

#Suvenirs #Gyumri #Gamesforkids #Myspinningtop
(093 03 33 35)
(055 15 95 65)
(Viber +374 94 03 33 35)
(Whatsapp +374 94 41 96 68)
Price 2000, 2500, 3000, 3500 AMD
Ani district, P. Sevak 1, Ani photoservice, Gyumri

пятница, 18 мая 2018 г.

Ինչու՞ պետք է գալ Արփի լիճ ազգային պարկ եւ Հայաստանի հյուսիս՝ Շիրակ:

Մի քանի պատճառ. :)

1. Սեւ արագիլներ տեսնելու:

2. Հայաստանի ամենահամեղ ուտելիքներն ու էկոլոգիապես մաքուր սնունդ վայելելու համար:

3. Մոտ 120 տեսակ թռչուն տեսնելու:

4. Մի քանի հարյուր տեսակ դեղաբույսեր ու ծաղիկների, ջրաշուշանների տեսակներ տեսնելու:

5. Վիշապաքարեր տեսնելու:

6. Կիկլոպյան ամրոցներ տեսնելու:

7. Մաքուր ու առանց պարարտանյութերի սնունդ ուտելու:

8. Բնական, համով, անարատ, առանց շաքար մեղր ուտելու:

9. Ձիերով դժվարամատչելի բնության հրաշալիք անտառների միջով անցնելու:

10. Գայլի դարպասը տեսնելու:

11. Լեռնային հեծանվասպորտի հետաքրքիր արահետների համար:

12. Վերգետնյա գտածոներ տեսնելու:

13. Երեք երկիր մի տեղ տեսնելու՝ Հայաստան, Թուրքիա, Վրաստան:

14. Ախուրյան գետի հին հունը եւ նորի սկիզբը տեսնելու:

15. Հայաստանի ամենացուրտ վայրում լինելու, որտեղ գրանցվել է ռեկորդային -46 աստիճան:

16. Ձմեռ պապի սարը՝ Ցուրտավ լեռը տեսնելու:

17. Ջավախքի լեռնաշղթայի ամենաբարձր գագաթը՝ Աչքասարը բարձրանալու համար:

18. Կյանքիդ ամենահետաքրքիր վրանային արշավն ունենալու համար:

19. Հայաստանի ամենահյուսիսային B & B-ում գիշերելու համար:

20. Հայաստանի ամենամաքուր պահվող տարածքներից մեկում կյանքդ վայելելու ու մյուսներին էլ մաքուր միջավայրում ապրելու կարեւորությունը բացատրելու համար:

21. Կայտբորդինգով զբաղվելու եւ օդում կայտի կառավարման հմտություններ ձեռք բերելու համար:

Շարունակելի :)

Why you should visit Lake Arpi and the north of Armenia - Shirak

Lake Arpi is located in the Shirak Province of Armenia, on the Ashotsk plateau in the northwestern part of the country, at an altitude of 2,025 m. It originates from a volcano tectonic earthquake. During the winter, it is completely covered by ice. Akhurian River flows from Lake Arpi. The waters are used for irrigation and hydropower production. Arpi is home for such kind of fish as cyprinus and varicorhinus. It is the second largest lake in Armenia after Sevan.

The lake attracts visitors with its diversity of flora and fauna, the opportunities of bird watching, with the distance from noisy cities and the opportunity to organize the recreation here. Especially during hot summers, the mild weather of the region also attracts a lot of visitors.

It is interesting that many fishermen go to upper stream of the Akhuryan river for fishing. There are about 670 species of plants here: orchis, gladiolus, poppy, lily, iris, 25 of which are in Red Book and the 22 are endemic species. There are 30 species of mammals in the Park: European otter, marbled polecat.
The opportunities of Ecotourism

The National Park has a visitor center and a guest house. The visitor center offers the following services: walking tours, horse riding, bird watching, skiing (in winter), auto-extreme tours in the special section of the Nation Park, where the human activity can not disturb the flora and fauna.

On average about 100 to 1000 visitors come here every year and only 10-15% of the visitors are foreigners. But most of the tourist who come here for cycling are foreigners. Federation of amateur cycling, Street Work Out and different Green and Charity organizations consider the area as an alternative platform for organizing recreation and entertainment. The area serves as an educational environment for students and schoolchildren.

It is noticeable that visitors come to National Park more often individually than in touristic groups. Despite the diversity of visitors' preferences, the main visitors are people of middle age and above.

You are welcome to Shirak region.
Lake Arpi National Park is for the tourist who look for peace and rest, besides for those who seek for extreme, and for everyone.

Տեսանյութ Արփի լիճ ազգային պարկի մասին:

Հարգանքով՝

Շիրակի Բազե

четверг, 17 мая 2018 г.

55 ու մի պատճառ Գյումրի գալու համար: Մաս 1-ին

1. Օպերայի առաջին շենքը տեսնելու:

2. Կին տաքսու վարորդ Տիկուշին տեսնելու:
3. Գյումրու ամենահաստաբուն ծառը տեսնելու:
4. Պետական համալսարանի առաջին շենքը տեսնելու:
5. Ֆայտոն նստելու:
6. Օժիտի շենքը տեսնելու:
7. Գյումրու ամենահին վարսավիրանոցը տեսնելու:
8. Գյումրու դռներն ու պատուհանները տեսնելու:
9. Աշոտ Գյումրու սրամտություններիը պատերի վրա կարդալու:
10. Մուշուրբա տեսնելու ու մուշուրբայով ջուր խմելու:
11. Ձուկ, խաշ, յաղլի, քյալլա ուտելու:
12. Թատրոն գնալու:
13. Սեւ, կապույտ կամ պայտաձեւ եւ կարմիր ամրոցները տեսնելու:
14. Ստորգետնյա թունելներ տեսնելու:
15. Հայտնի ֆիլմերի նկարահանման վայրերում լինելու:
16. Լյուկենշտռասսե-ն տեսնելու:

17. Մականուններով շենքերին ու փողոցներին ծանոթանալու:
18. Կարախանի ու Փալանջյանների լուսանկարչատներ ու Անի ֆոտոսերվիս այցելելու:
19. Փողոցային արվեստ ու խցաններով պատրաստված մեծ խճանկարներ ու հայկական գորգեր տեսնելու:
20. Վանա կատուներ ու հայկական գամփռներ տեսնելու:
21. Թութակների ու ավսրալիական թռչունների տեսնելու:
22. Կավագործության ու բրուտագործների հետ ծանոթանալու:
23. Առաջին կին տիեզերագնաց Վալենտինա Տերեշկովայի Գյումրիում աշխատելու մասին իմանալու:
24. Հայտնի ու անհայտ անեկդոտներ լսելու:
25. Օլիմպիական, աշխարհի, Եվրոպայի ու ալամ աշխարհի սաղ գյումրեցի չեմպիոններին տեսնելու:
26. Շիրակի բազեի հետ ծանոթանալու եւ մյուս երիտասարդների կատարած աշխատանքների ու նրանց հետ ծանոթանալու:
27. Արագածն ու Արարատը մեկ գծի վրա տեսնելու:
28. Շալե Գյումրի այցելելու:
29. Քաղաքի ամենամեծ ռադիոների, արդուկների ու հավանգների հավաքածուն տեսնելու:
30. Ազգագրական երգ ու պար վայելելու:
31. Շիրակ ֆուտբոլային ակումբի խաղերին ներկա գտնվելու:
32. Հեծանիվ քշելու:
33. Կայտբորդինգով զբաղվելու:
34. Ձմռանը դահուկ, սնոուբորդ, չմուշկ քշելու:
35. Բարի մարդկանց հետ հանդիպելու:
36. Հայկական երաժշտական բրալյան այբուբենի հեղինակի տուն գնալու...
37. Սեփական ձեռքերով ինքնաթիռ վարելու համար:
38. Սեւ ամրոցում քաղաքի ամենախորը ջրհորը տեսնելու, վրան կանգնելու ու այդ բարձրությունը զգալու համար:
39. Պայտաձեւ ամրոցը տեսնելու համար՝ տեսքը վերեւի ձիու նալ է հիշեցնում:
40. Քաղաքի ստորգետնյա թունելներում լինելու համար:
41. Կարմիր ամրոցը տեսնելու:
42. Ձկի ձորում համով ձուկ ուտելու:
43. Մինաս Ավետիսյանի որմնանկարը տեսնելու:
44. Ավտոյի զապչաստի գործ էնող Ալիսին տեսնելու:
45. Ռազմագերիների գերեզմաններն ու կառուցած ճանապարհները տեսնելու:
46. Քաղաքի պասպորտը՝ Արգիշտի թագավորի արձանագրությունը տեսնելու համար:
47. Բաղնիքների մասին պատմությունները լսելու համար:
48. Կարկատած պատ թել ու ասեղով տեսնելու համար:
49. Ասմունքող Պ. Սեւակի փողոցը տեսնելու համար:
50. Հայաստանի ամենալավ գարեջուրը՝ Գյումրին վայելելու:
51. Ռոբս հոմ էրտալու, էժան գիշերելու ու հավես ջահելների հետ ծանոթանալու:
52. Ներկապնակի տեսքով տանիք ունեցող առաջվա նկարիչների սրճարան՝ Նանսի էրտալու համար:
53. Վարսավիր ցլին տեսնելու:
54. Քառսունքի տորթը տեսնելու

55. Իմ ֆռռիկը, Տեյմորտակ ու Կդորմ Գյումրի ապրանքանիշեր առնելու:

Հարգանքով՝
Շիրակի Բազե

вторник, 15 мая 2018 г.

Ինչպես քարերով ճամպրուկները կարող են հայտնի դարձնել քո գյուղը

Շատ հաճախ մարդիկ ասում են.
-Էս քար ու քռի մեջ ի՞նչ հետաքրքրություն...

Բայց արի ու տես, որ շատ հետաքրքիր ու խելոք բաներ կարելի է մտածել՝ այդ ամենը հզոր ձեւով ներկայացնելու համար:

Եթե մենք շատ քար ունենք, ուրեմն դա կօգտագործենք որպես առավելություն:

1. Պատկերացրեք՝ վերցնում ենք մի գյուղ որտեղ շատ քարեր կան:

2. Վարպետ ենք գտնում, ով սկսում է քարերի համար գեղեցիկ բռնակներ պատրաստել մետաղից: Թանկ չլինելու համար կարելի է օգտագործել ժանգոտած, անպետք, երկրորդային հումք:
3. Դերձակ գտնել, ով կաշվե իրերից կարող է բռնակներ պատրաստել քարերի համար:
4. Պայմանականորեն ունենալ 200, 300, 400, 500... քարե ճամպրուկների գյուղ Հայաստանում:
5. Մի կարծեք, թե ճամպրուկը միայն գնալու համար է:
6. Ի վերջո ճամպրուկը նաեւ գալու համար է, որովհետեւ ձեր այդ գեղեցիկ գյուղն ու 200, 300, 400 կամ 500 քարե ճամպրուկների գյուղը տեսնելու համար մարդիկ ամբողջ աշխարհի երկրներից կարող են իրենց ճամպրուկները հավաքել ու գալ Հայաստան: :)
7. Մարդիկ թվեր են սիրում: 10-20 հատը բավարար չէ, հարյուրավոր նման ճամպրուկները կգեղեցկացնեն միջավայրը: :)

Չի կարելի գաղափարը կյանքի կոչել պատմամշակութային արժեք հանդիսացող կոթողների քարերի, դամբարանադաշտերի պատաշարերի ու նման նշանակության վայրերում: :)
Հարգանքով՝
Շիրակի Բազե

Ասում եմ Գյումրի, նկատի ունեմ Հայաստան: :)

вторник, 25 июня 2019 г.

суббота, 21 июля 2018 г.

суббота, 26 мая 2018 г.

пятница, 25 мая 2018 г.

среда, 23 мая 2018 г.

вторник, 22 мая 2018 г.

пятница, 18 мая 2018 г.

четверг, 17 мая 2018 г.

вторник, 15 мая 2018 г.

вторник, 25 июня 2019 г.

суббота, 21 июля 2018 г.

суббота, 26 мая 2018 г.

пятница, 25 мая 2018 г.

среда, 23 мая 2018 г.

вторник, 22 мая 2018 г.

пятница, 18 мая 2018 г.

четверг, 17 мая 2018 г.

вторник, 15 мая 2018 г.